hindi ito tribute kay glenn kulot

Medyo humaba na ang buhok ko, kulot na naman at dadagsa ang mga parmesan mula sa kanilang kamalayan. Hindi ako kumakain ng tofu o tokwa kaya dapat kalahati lang ang binabayaran ko sa order na tokwa’t baboy. Hindi ko alam kung ano ang kaibahan ng tofu at tokwa. Ayoko rin ng sashimi at sushi, hindi ko rin alam kung ano ang kaibahan nilang dalawa. Pareho silang Japanese food. Pero gustong-gusto ko ang kinilaw, niluto na kasi sa suka at pipino yun.

Hindi na ako adik sa Facebook at maraming-maraming salamat sa mga silent readers ng blog na ito (na nabibilang lamang sa aking 1-2-3 little indians), may nagtitiyaga palang magbasa nito. Salamat Ralph at Dickit. May silbi rin pala ang counter na nasa ibaba ng blog na ito kahit hindi ako mahilig sa mga forums.

Umuulan pero mainit pa rin. May narinig akong sumabog kani-kanina lang, malamang ito ang poste ng kuryente na malapit sa amin kaya biglang nagbrownout.  Doon sa may posteng yun nagtitinda ng masarap na tigsasampung-pisong barbikyu na lagi kong binibili tuwing alas-otso ng gabi. Summer ngayon pero bakit laging walang tindang yelo ang sari-sari store sa harap ng bahay namin. Sayang tuloy ang tinitimpla kong juice.

Ninety percent done na ang final cut ng TYG. Oo, antagal naman tapusin nito. Malamang, hindi matatapos ang Hunyo na di ito matatapos. Saan kaya ang world premiere nito? Wala akong ibang gagawin kundi ang maghintay ng bali-balita.  Ayokong pumunta sa Paris, andami na nila dun eh. Gusto ko, ako lang.

Nababother ako sa taong may malaking nunal sa mukha. Okey lang ke Stacie O. kasi nasanay na ako at bagay naman sa inosente(?) niyang mukha pero bakit may mga nunal na nailagay sa maling parte ng mukha? Hindi bagay. Panira ng hitsura. Maganda ang orange-black combination. Very dark at mysterious. Kelan kaya ako magiging mysterious? Gusto ko maging mysterious. Attractive ang mga mukhang mysterious. Kaya lang, balahura ako, halatang umaarte kapag nagpapakamysterious. At hindi ako magaling na aktor.

Iba ang amoy ng natuyong damit sa summer at tag-ulan. Masarap lagyan ng coffeemate ang milo. Hobby ko ang magtimpla nito nung shoot namin sa Batanes. Mag-iisang taon na nga pala yun, ambilis tumakbo ng panahon, kasimbilis ng mga kabayo sa Sta. Ana.

Kulot na uli ang buhok ko pero ayokong magpakalbo.

2 thoughts on “hindi ito tribute kay glenn kulot

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s