antok

Sana makawala na ako.  Nilalason na ako ng pagkabagot, pagkahamuhi, pag-aalinlangan, pagdaramdam, paghihintay.

Andami nang nawala sa kung anuman ang kaunting meron ako.  Walang nasagip.  Parang sunog sa kaluluwa, ang apoy, pawis.  Nawawala.  Bumabalik.  Umiikot.  Naghahangad sa isang galit na dapat ibigay.  Sa angas na nagkubli.

Kayumanggi. Itim. Pula. Puti. Berde. Wala lang.

Pinagdamutan.  Nagdamot.  Naghangad.  Pinagdamutan.  Poot.  Patuloy na nangangarap.  Andiyan ka ngunit di kita maramdaman.  Nawala ka.  Nasayang.  Nabangag.  Nabingi. Napundi.  Namanhid.

Walang lakas.  Walang tulog.  Walang gana.  Walang choice.  Walang hiya.  Walang pakiramdam.  Walang wala.

Nagtimpi.  Nagtitimpi.  Di na magtitimpi.  Said.  Sagad.  Lugmok.  Bangon.  Lakad.  Takbo.  Akyat.  Lipad.  Sipa.  Tadyak.  Sampal.  Saksak.

Tumigil.  Tumitigil.  Titigil.  Pipikit.  Pilit pumikit.  Mananaginip.  Kahit wala ka.  Kahit wala ka na.  Kahit wala ka na pala.  Mababasa.  Magkaiba.  Pinagkaiba.  Magkakaiba.  Sasaktan.  Kukubli.  Muli.  Uli.  Tuli.

Ngayon na.

Advertisements