panawagan sa mga mayayamang maaksaya

Baka irarasyon na raw ang tubig sa Metro Manila by 2020 (could be earlier).  Kaya naman kahit papano, nagmodang sakripisyo na rin ako para makatipid-tipid at baka pwede pang gawan ng paraan na yung isang galong rasyon sa 2020 ay magiging isa’t kalahati.

Me aspetong bayani rin pala ako, pero wag na. Ayoko ng mabigat na medal o nababasag na plake o photo op para marecognize.  Tutal, ginagawa ko rin ang pagkokonserba ng tubig para na rin sa sarili ko.  Disclaimer:  hindi ako self-serving.

Ngayon, di nako naghuhugas ng kamay pagkatapos umihi.  Di na rin ako nagbubuhos ng alcohol o cologne o anumang mabangong likido sa kamay.  Kasi, pag mabilis maubos yung mga likidong bagay-bagay na yun, e di mapipilitan ang mga paktorya nito na magproduce ng magproduce.  E water-based kaya yang mga yan.  Kaya, huhugas na lang ako ng kamay kapag kailangan.  Mali.  Kapag kailangang-kailangan.

Umiinom ako ng maraming maraming tubig para ihi ako ng ihi.  Ang mga ihi na yun ay magiging pure water kapag dumaan na sa cycle of nature at pwede na uli inumin pagdaan ng panahon.  Ansaya.  Maligayang pag-inom ng aking ihi, mga pipol.

Pakiramdam ko, ang dapat sisihin kung bakit tayo natutuyot ay mga mayayaman na walang pakundangan sa pag-abuso ng tubig.  Luho kung luho, lunod kung lunod.  Grabe lang yung kapangyarihan nilang lamunin ang kalakihan ng share natin ng tubig sa mundo.  Tama nga si Plato sa kanyang sinabi sa The Noble Lie.

Naiimagine ko na lang kung ilang tonelada ng tubig ang ginagamit nila para sa swimming pool nila.  Oo, yung greenish blue na tubig na me spark-spark sa anggulong bird’s eye view.  Sana naman, bilang konsiderasyon, ang mga mayayaman, once a year na lang sila magpalit ng tubig sa pool. 

Kung di pa nila nasusubukan, masaya ang magswimming sa pool na me berdeng algae at mga kokonting libag sa tiles.  Cinematic nga siya e!  E bakit nagawa ni Cuaron sa Y Tu Mama Tambien, aber.

Rumerepleksyon kasi sa mga swimming pool na yan ang pagiging gahaman ng mga mayayaman sa resources ng mundo na kahit na bayaran man nila ng sampung libo buwan-buwan ang Maynilad, di pa rin yun sapat na halaga kung me tig-iisang tao na mamamatay bawat araw sa 2020 dahil sa dehydration.

Sige, compromise.  Kung nag-iinarte sila at gusto talaga nilang magpalit ng tubig ng pool kada linggo, sana dun na sila magsabon at magbanlaw araw-araw.  Yung mga bula na nagamit sa pagligo e, naeevaporate naman yan at suma-cycle sa buong dimensyon ng tubig ng pool kaya pagdating ng scheduled na pagpapalit ng tubig, parang malinis pa rin siya tingnan.

Tsaka, dun na rin kayo maglaba, magkula at magbabad ng maruming damit para lubusan na.  Wag niyong kalimutan na me ulan na nahihigop ang tubig ng pool kaya ang saturation ng kemikal ng sabon at libag ay di na ganun kalaki.

Tapos, itong mga mayayaman, kung makahugas ng sasakyan akala mo wala nang bukas.  Bakit di kaya kayo mag-ipon ng tubig sa jacuzzi niyo o di kaya sa isang malaking palanggana o di kaya sa plastic na mini-swimming pool at dun kayo maligo para di masayang ang tubig.  For more variation at pasosyal epek, ikabit niyo ang handy shower sa palanggana o jacuzzi para di nawawala yung pakiramdamn ng pagsashower (dahil pangmahirap nga naman ang balde at timba).

Yung pinagliguan niyo ay pwede nang irecycle para panglinis ng kotse. Praktikal, di ba!

Ganun din ang proseso pag naghuhugas ng pinggan.  Ilagay lahat sa isang malaking lalagyan tapos yung nagamit na tubig ay ihugas mo ng sasakyan.  Kung gusto mo, ipanligo mo na rin.

Kayong mga mayayaman, di niyo na kelangan ng tubig para sa katawan.  Tutal, sosyal naman kayo, magwine na lang kayo.  Nakakconserve pa kayo ng tubig, di pa kayo nagmukhang cheap at healthy pa para sa puso.  Ayan, andami nang perks na hindi ko na rin siya matatawag na sakripisyo sa aspetong ito.

Higit sa lahat, kayong mga katulong na nagpapaalipin sa mga mayayaman, dapat me awareness din.  Dapat nga, sa inyo nagsisimula ang ganitong rebolusyon e.  Kayo rin, kung makagamit kayo ng tubig ng mga amo niyo, akala niyo, nakikimay-ari na rin kayo sa Angat Dam.  Wag ganun, mga ate.  Hinay-hinay lang.

Kung simulan niyong gawin ang mga suhestyon ko mga ate, wala namang magagawa ang mga amo niyo kundi u-moblige.  Sa totoo lang, sa power struggle sa mga bahay-bahay ng mga amo niyo, kayo ang mas me kapangyarihan kesa sa kanila.  Kung magsiserve kayo sa kanila ng red wine buong taon, di sila makakapalag.  Sabihin niyo lang na walang tulo sa gripo o di kaya, nagsara na ang lahat ng franchise ng distilled water sa buong mundo.

Hay.  Kung totoo ngang me malasakit ang ibang mga mayayaman (lalo na ang mga pulitiko) sa kapakanan ng mga hampaslupa, sana maisip nila na sa kanilang munting sakripisyo ay maraming buhay ang makikinabang. 

Por dat, at least mapopostpone ang tagtuyot mula 2020 hanggang 2025.  Sayang din ang limang taon.

4 thoughts on “panawagan sa mga mayayamang maaksaya

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s